洗淨兵團 › 服務內容
上門清洗洗衣機
師傅帶齊工具上門，喺你屋企原位清洗，唔使拆機、唔使搬機，大約 2 個鐘。一般型號 HK$880，已包上門費。
清咩
- 內膽同外缸之間：內膽表面好光鮮，污垢積喺背面。60°C 活性氧浸 15 分鐘，發泡促進劑再浸 5 分鐘，高壓水槍對住千眼沖三次。
- 梘粉盒同放梘粉盒嘅位：拆出嚟洗，洗前洗後都影相。
- 梘喉：由梘粉盒通落外缸嗰條喉，柔順劑同梘渣最易積喺度。
- 門膠邊除霉（加選 +HK$200）：師傅影完門膠邊摺位，話你知有幾多霉，你決定加唔加，多做大約 15 分鐘。
唔清咩，點解
- 排水泵、缸底喉、排水喉：要拆機先清到。舊機嘅零件拆落嚟可能已經老化，裝返有漏水風險。
- 機底過濾器：可以自己定期清。缸底喉頂部有設計防止機底污水倒流返內膽，內膽洗乾淨，洗衫就乾淨。
唔拆機就唔會傷機，價錢都平過拆機清洗好多。想要拆機徹底清洗每一件零件，我哋呢個方法未必啱你。
啱唔啱你部機
啱洗
前置式、上置式洗衣機，洗衣乾衣機都得。部機要行到一個程序、入到水、排到水。
暫時唔接
日式洗衣機同 Miele。
好耐冇用過
先空機或者用舊衫行一次，聽下有冇怪聲，望下內膽有冇沙石。有問題先影片畀我哋睇。
本身排水有問題
先安排維修師傅整好，再約清洗，唔使白付上門費。
收工你會收到
- 清洗前、清洗後嘅內窺鏡片段：內膽背面嘅黑泥，同洗完見返光亮嘅鋼。
- 試機紀錄：軸芯、入水同排水，清洗之前錄低。
- 梘粉盒、梘喉、清水同（如有加選）門膠邊嘅前後相。
- 日常保養建議。洗完頭一兩次先空機過水，將鬆咗嘅污垢排走。
預約前準備
- 影低洗衣機嘅型號貼紙，通常喺機身側面、背面或者門邊。
- 部機現況嘅相，例如門膠邊同內膽。
- 有異響、漏水或者排水慢，預先講低，我哋會先安排檢查。
- 洗衣機附近要有水龍頭，高壓清洗機用你屋企嘅水。